Свет

Ноќеска почна зимското сметање на времето , кога ЕУ ќе се договори за единствено време?

Ноќеска во Европа стрелките на часовниците се поместија за еден час наназад , со што почна зимското сметање на времето.

Иако Европската Унија минатата година донесе одлука да се укине менувањето на часовникот, денешното менување на времето не е во никој случај последно. Следната смена на часовникот нè очекува во март, а после тоа очекуваме најмалку уште две смени на часовникот, така што во целина ќе мора да се прилагодиме барем три пати на менување на времето, сметаат европските лидери.

Иако првично се сметаше дека последнбата промена на часовник требаше да биде оваа година, тоа е одложено до 2021 година. Поточно, и покрај огромното мнозинство граѓани на ЕУ , кои гласаа за прекин на оваа практика, проблемот се појави затоа што секоја земја-членка на ЕУ би требало да се изјасни дали да остане на зимско или летно време.

Ова може да предизвика голем број потенцијални проблеми, пред се меѓу соседните земји кои можеби бирале различни временски периоди.

Практиката на поместување сега треба конечно да се укине 1 април 2021 година. Европскиот парламент го одобри предлогот за укинување на полугодишната промена на времето на ниво на ЕУ од 2021 година и остави на земјите-членки да одлучуваат за заштеда на дневно време, што треба да започне на 1 април 2021 година.

Но, земјите-членки сè уште не се согласуваат целосно за деталите околу укинувањето , па затоа во јуни се спомна уште едно можно одложување на поместувањето на стрелките на часовникот.

Тогаш Романија предупреди дека е потребен усогласен пристап кон проблемот за да се спречи „различноста во временските зони“ и да се обезбеди правилно функционирање на единствениот пазар. Досега, само неколку земји-членки го објавија својот став, се вели во документот на романското претседателство.

Питер Алмајер, германскиот министер за економија, справувајќи се со проблемот во Германија, во писмото до соседните земји напиша дека сака да ги избегне „временските проблеми“ и додаде дека треба да постигнат заедничка позиција „најдоцна по летната пауза“, пренесе Dpa.

Усогласен пристап кон проблемот може да се постигне на следниот редовен состанок на министрите за транспорт, закажан за крајот на оваа година, по преговорите со Европскиот парламент.

Свет

Столтенберг ненајавено пристигна во Украина: Не го исполнивме ветувањето, оружјето ќе пристигне

Генералниот секретар на НАТО Јенс Столтенберг денеска за време на ненајавената посета на Украина изјави дека земјите членки на таа алијанса не ги исполниле ветувањата за воена помош за Киев во последните месеци.

Генералниот секретар на НАТО Јенс Столтенберг денеска за време на ненајавената посета на Украина изјави дека земјите членки на таа алијанса не ги исполниле ветувањата за воена помош за Киев во последните месеци, но вети дека сега ќе се зголемат испораките на оружје и муниција.

„Ќе бидам многу искрен со претседателот Зеленски и во парламентот и ќе кажам дека сојузниците во НАТО не го исполнија она што го ветивме во последните месеци. САД потрошија шест месеци за да се договорат за пакетот, а европските сојузници не ја доставија муницијата што ја ветивме Но, сега сум убеден дека тие ќе ги променат работите“, рече тој во возот со кој отиде во Киев.

Тој рече дека очекува други „нови обврски“.

„Тоа ќе направи разлика - исто како што недостатокот на поддршка направи разлика“, рече тој, алудирајќи на неуспесите на Украина на бојното поле, според Ројтерс.

Тој исто така изјави дека „Русите платиле висока цена за маргинална територијална придобивка“ и оцени дека Украина сепак може да ги „сврти работите“.

„Не е доцна Украина да надвладее и затоа е толку итно сојузниците од НАТО да го сторат она што го ветивме и да ги претворат тие обврски во вистински испораки на оружје и муниција“, рече тој.

Столтенберг се сретна со украинскиот претседател Володимир Зеленски, а треба да се обрати и во парламентот.

Ова е негова трета посета на Украина од почетокот на војната.

Македонија

Николоски: Планираме гарантирани цени на откуп за клучните сорти грозје

Денеска сме во посета на Винскиот музеј во Кавадарци, ќе имаме средба со производителите на вино, за жал состојбата не е добра од сето она што можам да го прочитам како анализа и како податоци производството е намалено, извозот е намален.

Производството е намалено некаде за околу 8 милиони литри, а додека извозот е намален за околу 4 милиони евра годишно, така да тоа се лоши цифри. Споредувам 2023 година со 2016 година и тоа се лоши цифри кои говорат дека не се води правилно политика во делот на производството на вино.

Тука мислам дека една од причините е лошата политика на субвенционирање, ниските откупни цени на грозјето, но исто така и монополот кој го имаме во производството на вино и на пазарот, ќе треба сериозно да работиме во однос на поправање на работите на секторот.

Она што планираме да го направиме е да имаме гарантирани цени на откуп, во однос на клучните сорти на грозје, исто така промена на системот на субвенции кој ќе значи повеќе субвенции за производителите.

Возобновување на водоснабдителните системи и изградба на нови. И секако, можеби најзначајното, возобновување на Повардарие со цел да се зголеми конкуренцијата и да, исто така, се подобрат цените и се подобри производството.

Во однос на малите и средните винарии, планираме целосно нов систем на субвенционирање со цел да ги поттикнеме да растат, да извезуваат и да се борат и на домашниот пазар, но секако и на меѓународниот пазар, затоа што сметаме дека малите и средни винарии, она што се нарекува семејни винарии, средни винарии се иднината на Македонија и таму што ќе можеме да понудиме најдобар производ.

Еве ќе поразговараме сега, ќе можеме да ги видиме и другите детали, но ова е она што во суштина на нашата политика,рече Александар Николоски, потпретседател на ВМРО-ДПМНЕ и носител на изборна единица 4.

Македонија

Финансии побара да се стави во мирување поскапувањето на осигурувањето на автомобилите

Осигурителните компании да ги стават во мирување одлуките за зголемување на трошоците, бара Комисијата за осигурување од автомобилска одговорност која денеска на седница го разгледа извештајот за зголемените цени...

До утре имаат рок осигурителните компании да ги вратат цените на осигурителните полиси по старо. Ова е епилогот од состанокот во министерството за финансии откако пред една недела осигурителните компании ги зголемија цените на осигурувањето при регистрација на возилата за 15%.

„На состанокот Комисијата му укажа на Националното биро за осигурување и на регулаторот Агенцијата за супервизија на осигурувањето во текот на денешниот ден да им предложи на друштвата за осигурување до крајот на денешниот ден да ги стават во мирување одлуките за зголемување на трошоците и да ги вратат на ниво од пред 25 април 2024 година и да ја известат Комисијата во текот на денешниот ден.“

Состанокот во финансии кој доаѓа по реакциите на агенцијата за супервизија на осигурувањето која децидно се изјасни дека нема основа за ваквото зголемување на цените. Состанокот траеше неколку часа. Пред средбата осигурителните компании преку соопштение информираа дека треба да се земе во предвид реалната пазарна состојба и условите под кои работат осигурителните компании но по состанокот претставниците излегоа од влезот за архива и ги избегнаа камерите.

Од агенцијата за супервизија на осигурувањето е побарано да изготви извештај за тоа дали има економска оправданост барањето за поскапување од каде неофицијално за канал 5 велат дека за такво нешто воопшто нема простор и дека доколку не ги намалат сами цените тоа ќе се направи утре на владина седница со цел да се заштитат граѓаните од ова поскапување. Инаку со одлуката осигурителните компании ги зголемија цените од 840 дена за полиса до 1500 во зависност од јачината на моторното возило.

притисни ентер